Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 169 Hüküm no: 205 Orijinal metin no: [31a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin borcu olduğu İşbu bâ‘isü’l-kitâb Hasan Beşe b. Mehmed nâm râcil mahfil-i kazâda Ömer Beşe b. Hasan mahzarında bi’t-tav‘i’s-sâf ikrâr u i‘tirâf edip mezbûr Ömer Beşe’ye cihet-i deyn-i şer‘îden kırk kıt‘a riyâlî guruş-ı kebîr zimmetimde lâzımü’l-edâ ve vâcibü’l-kazâ deynim vardır dedikde gıbbe’t-tasdîkı’ş-şer‘î mezbûr Ömer Beşe meblağ-ı mezbûru mukırr-ı merkūm Hasan Beşe’den hâlâ taleb eyledikde meblağ-ı merkūm müeccel olmamağla merkūm Hasan Beşe ikrârı mûcebince meblağ-ı mezkûr kırk guruşu dâyin-i mezbûr Ömer Beşe’ye edâ etmek üzere ilzâm olunup mâ-hüve’l-vâki‘ gıbbe’t-taleb ketb ü sebt olundu. Fi’l-yevmi’s-sâmin aşer min-Saferi’l-hayr li-sene erba‘a ve sittin ve elf. Şuhûdü’l-hâl: Ali b. Mustafa, İbrahim b. Davud, Mehmed Çelebi b. Hüseyin, Rıdvan b. Abdullah ve gayruhum.