Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 169 Hüküm no: 206 Orijinal metin no: [31a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Barom v. Fazak’ın borcu olduğu Mahmiye-i İstanbul’da Yahud tâifesinden olup Sisilya cemâ‘atinden Barom v. Fazak nâm Yahûdi meclis-i şer‘-i hatîr-i lâzımü’t-tevkīrde tâife-i mezbûreden olup Portukal cemâ‘atinden işbu sâhibü’r-rakīm Mosi v. Avraham nâm Yahûdi muvâcehesinde bi’t-tav‘i’s-sâf ikrâr u i‘tirâf edip mezbûr Mosi’ye cihet-i karz-ı şer‘îden on bin akçe lâzımü’l-edâ ve vâcibü’l-kazâ zimmetimde deynim vardır dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sânî ve’l-ışrîn min-Saferi’l-hayr li-sene erba‘a ve sittin ve elf. Şuhûdü’l-hâl: İbrahim Beşe b. Abdullah, Yasef v. İsak, Yako v. Şabatay, Baroh v. Avraham, İbrahim Çelebi b. Davud, Mehmed Çelebi b. Hüseyin, Mehmed Beşe çukadâr ve gayruhum.