Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 175 Hüküm no: 216 Orijinal metin no: [32b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamid b. Yusuf’un vârisleri Hüseyin ve Hasan’ın alacaklarını tahsil ettikleri Mahmiye-i İstanbul’da Üsküblü Mahallesi’nde sâkin iken bundan akdem vefât eden Hamid b. Yusuf’un karındaşları ve hasran vârisleri olan Hüseyin ve Hasan nâm kimesne[ler] mahfil-i kazâda işbu bâ‘isü’s-sifr Toto v. Yaho muvâcehesinden herbiri ikrâr ve takrîr-i kelâm edip mûrisimiz müteveffâ-i mezbûr Mehmed’in dört yüz aded tavuk bahâsından merkūm Toto zimmetinde beş bin akçe hakkı olup meblağ-ı mezbûrun üç yüz akçesini hâl-i sıhhatinde merkūm Hamid alıp dört bin yedi yüz akçesi merkūm Toto zimmetinde kalmışdı, hâlâ meblağ-ı mezbûr irsen bize intikāl etmeğin zikr olunan dört bin yedi yüz akçemi merkūm Toto yedinden bi’t-tamam ahz u kabz eyledik, merkūm Toto ile meblağ-ı mezbûra müte‘allik min-ba‘d da‘vâmız kalmayıp meblağ-ı mezbûrdan merkūm Toto’nun zimmeti berîü’s-sâha oldu dediklerinde gıbbe’t-tasdîk ve’t-taleb mâ-vaka‘a ketb ü sebt olundu. Fi’l-yevmi’s-sâdis ve’l-ışrîn min-Saferi’l-hayr li-sene erba‘a ve sittin ve elf. Şuhûdü’l-hâl: el-Hâc Muslı b. Üveys, Mehmed b. Ebîbekir, Süleyman b. Bali, İlyas b. İbrahim, Himmet Beşe ve gayruhum mine’l-huzzâr.