Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 186 Hüküm no: 234 Orijinal metin no: [35b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Ali Bey’in cariyesi ve ümm-i veledi Hatice bt. Abdüllah’yi hayatta iken âzat etmiş olduğu Sabıkā hâssa bostancılar odabaşısı olup bundan akdem vefât eden merhûm Ali Bey b. Mustafa’nın zâhirde vâris-i ma‘rûfu olmamağla muhallefâtını cânib-i mîrîden ahz u kabza murahhas ve memûr olup bi’l-fi‘il bostancıbaşı olan iftihârü’l-emâcid ve’l-ekârim câmi‘ü’l-mehâmid ve’l-mekârim zi’l-kadri’r-refî‘ ve’l-câhi’l-menî‘ Ahmed Ağa -zîde kadruhu- taraf-ı şerîflerinden husûs-ı âti’l-beyânı ikrâra vekîl olup vekâleti hasm-ı câhid-i şer‘î mahzarında Nuh Efendi b. Receb ve İbrahim Bey b. Durak şehâdetleriyle şer‘an sâbite olan Mehmed Bey b. Abdullah mahfil-i kazâda işbu uzun boylu, açık kaşlı, elâ gözlü, Hırvatiyyü’l-asl râfi‘atü hâze’l-kitâb Hadice bt. Abdülhay mahzarında bi’l-vekâle ikrâr-ı tâm ve <> takrîr-i kelâm edip mevsûfe-i mezbûre müteveffâ-i mezbûrun câriye-i memlûkesi ve ümm-i veledi olmağla hâl-i hayâtında mâlından âzâd edip mezbûre Hadice sâir harâir-i asliyyât gibi hürre olmağın üzerinde müvekkil-i müşârun-ileyhin ve sâir efrâd-ı âferîdeden bir ferdin alâka ve medhali yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’t-târîhi’l-mezbûr. Şuhûdü’s-sâbıkūn.