Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 192 Hüküm no: 243 Orijinal metin no: [37a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahadır v. Hanos’un borcu olduğu Vaka‘a’l-ihtitâm fî-hâze’l-makām ketebehü’l-fakīr ilâ- berri rabbihi’l-meliki’l-mu‘în Mehmed el-mübtelâ bi-berzahi’l-erba‘în -gufira zünûbühû ve sütira uyûbühû- (Mühür) İşbu bâ‘isü’l-kitâb Bayram b. Abdullah meclis-i şer‘-i hatîr-i lâzımü’t-tevkīrde Ermeni tâifesinden Bahadır v. Hanos nâm zimmî muvâcehesinde takrîr-i kelâm ve tavzîh-i merâm edip mezbûr Bahadır zimmetinde cihet-i deyn-i şer‘îden on üç bin üç yüz on sekiz akçe hakkım olup meblağ-ı merkūmdan beş bin sekiz yüz beş akçesini mezbûr Bahadır yedinden ahz u kabz edip hâlâ yedi bin beş yüz on üç akçe hakkım zimmetinde bâkīdir, suâl olunup takrîri tahrîr olunmak matlûbumdur dedikde gıbbe’s-suâl merkūm Bahadır cevâbında fi’l-hakīka müdde‘î-i mezbûra cihet-i mezkûreden on üç bin üç yüz on sekiz akçe deynim olup meblağ-ı merkūmdan beş bin sekiz yüz <> beş akçesini kendüye def‘ ve teslîm edip meblağ-ı bâkī yedi bin beş yüz on üç akçesi zimmetimde vâcibü’l-edâ ve lâzımü’l-kazâ deynimdir deyü bi-tav‘ihi ikrâr u i‘tirâf etmeğin mâ-hüve’l-vâki‘ gıbbe’t-taleb ketb ü sebt olundu. Fi’l-yevmi’l-âşir min-şehri Rebî‘ülâhir li-sene erba‘a ve sittin ve elf. Şuhûdü’l-hâl: Mustafa b. Fethullah, Ali Bey b. Abdullah, diğer Mustafa b. Abdullah, Mehmed Çelebi b. ( ), el-Hâc Ali Mağribî, Mehmed Çelebi b. Hüseyin ve gayruhum.