Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 203 Hüküm no: 264 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Enbilye’nin arsasını Durdu v. Gaytan’a sattığı Vilâyet-i Anadolu’da Ürgüb kazâsına tâbi‘ Sinason nâm karye ahâlîsinden Yani v. Enbilye nâm zimmî mahfil-i şer‘de karye-i mezbûre ahâlîsinden işbu sâhib-i hâze’r-rakīm Durdu v. Gaytan nâm zimmî muvâcehesinde ikrâr u i‘tirâf edip karye-i mezbûrede vâki‘ bir tarafdan Közme nâm zimmî mülkü ve bir tarafdan mâ-i cârî ve bir tarafdan vâdi ve bir tarafdan dahi tarîk-i âm ile mahdûd olup güllük tâ‘bir olunan mülk arsa-yı hâliyemi mezbûr Durdu’ya bey‘-i kat‘î ile sekiz yüz akçeye bey‘ ol dahi iştirâ ve kabûl eyledikden sonra semen-i mersûm sekiz yüz akçeyi yedinden bi’t-tamam ahz u kabz edip meblağ-ı mezbûru mahallinde kabz ve tesellüme, müşteri-yi mezbûru taslît eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb ü sebt olundu. Fi’l-yevmi’s-sânî ve’l-ışrîn min-şehri Rebî‘ülâhir li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Mehmed Çelebi b. Hüseyin, Halil Beşe b. Lütfullah.