Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 206 Hüküm no: 268 Orijinal metin no: [40b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Abdullah’ın kocası el-Hâc Ahmed ile anlaşarak boşandığı (muhâla‘a) Dârü’s-saltanatü’s-seniyye mahmiye-i Kostantıniyye mahallâtından Hâce Hayreddin Mahallesi’nde sâkine Havvâ bt. Abdullah nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb el-Hâc Ahmed b. Mehmed nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt altmış aded riyâli guruş mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Havvâ bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâmin ve’l-ışrîn min-şehri Rebî‘ilâhir li-sene erba‘a ve sittin ve elf. Şuhûdü’l-hâl: Mehmed Halîfe b. İbrahim, Mehmed Bey b. Ali, Musa azeb b. A[bdullah], İbrahim [b.] Davud, İbrahim Dede b. A[bdullah] ve gayruhum mine’l-huzzâr