Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 213 Hüküm no: 283 Orijinal metin no: [42a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Salamon’un cariyesini azat ettiği Mahmiye-i İstanbul’da [Por]tukal cemâ‘atinden Abraham v. Salamon nâm Yahûdi mahfil-i kazâya gelip bi-tav‘ihi ikrâr u i‘tirâf edip kısa boylu, açık kaşlı, gök gözlü, Rusiyyetü’l-asl rıkkına mu‘terif olan işbu hâmiletü’l-kitâb Mariye bt. Vasil nâm câriye-i memlûkeyi lâ li-ivazin ‘âcil ve lâ li-garazin âcil mâlımdan âzâd ve mülkümden ihrâc eyledim, ba‘de’l-yevm mevsûfe-i mezbûr Mariye sâir harâir gibi hürre olup üzerinde velâdan gayrı bir şey hakkım kalmadı dedikde mukırr-ı mezbûr Abraham’ın minvâl-i muharrer üzere cârî ve sâdır olan ikrâr u i‘tirâfı mûcebince mevsûfe-i mezbûre Mariye mu‘takası olup mâ-hüve’l-vâki‘ gıbbe’t-taleb ketb olundu. Fi’l-yevmi’s-sâdis min-Cumâdelûlâ li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Mehmed Çelebi b. Hüseyin, Muharrem b. Mehmed ve gayruhum.