Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 215 Hüküm no: 286 Orijinal metin no: [42b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râziye bt. Receb’in kocası Şa‘bân ile anlaşarak boşandığı (muhâla‘a) Mahmiye-i Kostantıniyye mahallâtından Seferikoz Mahallesi’nde sâkine Râziye bt. Receb nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Şa‘bân b. Ramazan nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt altı yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Râziye bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâbi‘ min-Cumâdelûlâ sene erba‘a ve sittin ve elf. Şuhûdü’l-hâl: Mustafa Beşe, Bayram b. Mehmed, Yusuf b. Abdullah, Mehmed b. Abdi, el-Hâc Mustafa b. Abdullah ve gayruhum mine’l-huzzâr