Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 216 Hüküm no: 289 Orijinal metin no: [43a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İslamiyeti seçmiş olan Fâtıma bt. Abdullah’ın Davud b. Mehmed ile evlendiği Üsküdar’da Ağahamamı kurbünde sâkine olup şeref-i İslâm ile müşerrefe olan Fâtıma bt. Abdullah nâm bikr-i bâliga mahfil-i kazâda bi-nefsihâ hâzıra olup işbu bâ‘isü’l-kitâb Davud b. Mehmed mahzarında ikrâr ve takrîr-i kelâm edip mezbûr Davud’a iki bin fıddî râyic fi’l-vakt Osmânî akçe mihr-i mu‘accel ve dört bin akçe mehr-i müeccel ile zeyl-i kitâbda mastûrü’l-esâmî olan Müslimîn huzûrunda nefsimi tezvîc eyledim dedikde mezbûr Davud dahi merkūme Fâtıma’yı zikr olunan iki bin akçe mihr-i mu‘accel ve dört bin akçe mehr-i müeccel ile nefsim için tezevvüc ve kabûl eyledim deyip mezbûreyi ol minvâl [üzere] tezevvüc etmeğin mâ-hüve’l-vâki‘ bi’t-taleb ketb olundu. Fi’l-yevmi’l-âşir min-Cumâdelûlâ li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Mehmed b. Mustafa, Mehmed b. Hüseyin Muharrem b. Abdullah ve gayruhum.