Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 218 Hüküm no: 291 Orijinal metin no: [43a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hamza ile Ahmed b. Bali’nin muhalaa yoluyla boşandıkları Mahmiye-i İstanbul’da Molla Hüsrev Mahallesi’nde sâkine Âişe bt. Hamza nâm hatun mahfil-i kazâda zevci işbu hâmilü’l-kitâb Ahmed b. Bali mahzarında ikrâr-ı tâm ve takrîr-i kelâm edip zevcim mezbûr Ahmed ile ma‘kūdün-aleyh olup zimmetinde mütekarrer olan üç bin beş yüz akçe mehr-i müeccelim ve nafaka-i iddetim ve meûnet-i süknâm üzerine muhâla‘a-i sahîha-i şer‘iyye ile hul‘ eyledik, mezbûr ile hukūk-ı zevciyete müte‘allik min-ba‘d da‘vâ ve nizâ‘ım kalmadı dedikde mukırra-i mezbûre Âişe’nin ber-vech-i meşrûh cârî ve sâdır olan ikrâr ve takrîrini el-mukarru lehü’l-merkūm Ahmed vicâhen tasdîk ve şifâhen tahkīk etmeğin mâ-hüve’l-vâki‘ bi’t-taleb ketb olundu. Fi’l-yevmi’s-sâlis aşer min-Cumâdelûlâ li-sene erba‘a ve sittin ve elf. Şuhûdü’l-hâl: Rıdvan Beşe b. Abdullah, el-Hâc Şa‘ban b. Mehmed, Muharrem b. Abdullah.