Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 220 Hüküm no: 295 Orijinal metin no: [44a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Selim Bey’in çocuklarının vasisi üzerine nâzır tayini Hadîka-i hâssa bostancılarının sabıkā odabaşıları hâlâ müteveffâ olan merhûm Selim Bey’in sulbî sagīr oğlu Mehmed ve sulbiye sagīre kızı Afife’nin emvâl ve ahvâlin hıfz u zabta hîn-i bülûga <> ve zamân-ı rüşde değin kıbel-i şer‘-i şerîfden mansûb vasîleri olan Hasan Usta’nın üzerine nâzırdan lâ büd olmağla işbu râfi‘u’l-kitâb İbrahim Beşe b. Mustafa her vechile nezâret-i mezbûreye ehil olmağın hâkim-i muvakki‘-ı kitâb tûbâ-lehû ve hüsnü-meâb mezbûr İbrahim Beşe’yi vasiyy-i mezbûr üzerine hasbî nâzır nasb ve ta‘yîn edip mezbûr İbrahim Beşe dahi nezâret-i mezbûreyi kabûl ve hizmet-i lâzımesini edâya müte‘ahhid olmağın mâ-hüve’l-vâki‘ gıbbe’t-taleb ketb olundu. Fi’l-yevmi’l-hâdî aşer min-Cumâdelûlâ li-sene erba‘a ve sittin ve elf. Şuhûdü’l-hâl: İbrahim Beşe b. Davud, Ali Beşe b. Abdullah çukadâr, İvaz Bey b. Murtaza, Muharrem b. Abdullah.