Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 221 Hüküm no: 298 Orijinal metin no: [44a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Mehmed’in sahip olduğu kenifi sattığı Mahmiye-i İstanbul’da Altımermer kurbünde sâkine Fâtıma bt. Mehmed nâm hatun mahfil-i şer‘-i şerîfde işbu sâhibü’l-kitâb Mahmud b. Abdullah nâm kimesne muvâcehesinde bi’t-tav‘i’s-sâf ikrâr u i‘tirâf edip mahmiye-i mezbûrede Zindânkapısı dâhilinde vâki‘ bir tarafdan el-Hâc Mustafa mahzeni ve bir tarafdan Mehmed Çelebi b. İskender Şorbacı mahzeni ve bir tarafdan tarîk-i hâs bir tarafdan dahi tarîk-i âm ile mahdûd ve mümtâz olup mülk-i mevrûsum olan kenîfi bey‘-i kat‘î ile sekiz yüz akçeye mezbûr el-Hâc Mahmud’a bey‘ ve teslîm ol dahi iştirâ ve tesellüm eyledikden sonra semen-i mersûm sekiz yüz akçeyi müşteri-i mezbûr yedinden bi’t-tamam ve’l-kemâl ahz u kabz eyledim ba‘de’l-yevm zikrolunan kenîf mezbûr el-Hâc Mahmud’un mülk-i müşterâsı olup benim kat‘an medhal ve alâkam kalmadı dedikde gıbbe’t-tasdîkı’ş-şer‘î mâ-hüve’l-vâki‘ gıbbe’t-taleb ketb ü sebt olundu. Tahrîren fî-evâili Cumâdelûlâ li-sene erba‘a ve sittin ve elf. Şuhûdü’l-hâl: Yusuf Çelebi el-kettânî, Yusuf Beşe b. Abdullah, Abdülbâki b. el-Hâc Ferhad, Hasan b. Abdullah, el-Hâc Mehmed b. Ömer, Hüseyin b. Abdullah ve gayruhum.