Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 225 Hüküm no: 303 Orijinal metin no: [45a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hazar v. Marat’ın Mısır hasırı bahasından borcu olduğu Tüccâr tâifesinden işbu bâ‘isü’l-kitâb Ali b. Mehmed mahfil-i kazâya Hazar v. Marat nâm Ermeniyi ihzâr ve üzerine da‘vâ edip mezbûr Hazar zimmetinde târîh-i kitâbdan sekiz gün mukaddem safka-i vâhide ile iştirâ ve tesellüm eylediği on dört aded Mısır hasırı bahâsından zimmetinde iki bin yüz seksen akçe hakkım vardır, suâl olunup alıverilmesi matlûbumdur dedikde, gıbbe’s-suâl mezbûr Hazar cevâbında fi’l-hakīka müdde‘î-i mezbûra ber-vech-i muharrer iştirâ ve tesellüm eylediğim on dört cedîd Mısır hasırı bahâsından meblağ-ı mezbûr iki bin yüz seksen akçe zimmetimde lâzımü’l-edâ ve vâcibü’l-kazâ deynimdir deyü bi-tav‘ihi ikrâr u i‘tirâf etmeğin mûcebince edâsı’çün ilzâm olunup mâ-vaka‘a gıbbe’t-taleb ketb ü sebt olundu. Fi’l-yevmi’r-râbi‘ aşer min-Cumâdelûlâ li-sene erba‘a ve sittin ve elf. Şuhûdü’l-hâl: Mehmed b. Mustafa, Mehmed Çelebi b. Hüseyin, Halil b. Lüfullah, Mehmed b. Ebîbekir ve gayruhum mine’l-huzzâr.