Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 229 Hüküm no: 310 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin keten parasından alacağı olduğu Tüccâr tâifesinden işbu bâ‘isü’l-kitâb Ahmed Beşe b. Nasuh meclis-i şer‘-i hatîr-i lâzımü’t-tevkīrde mahmiye-i İstanbul’da Mesine cemâ‘atinden İsak v. Sinyor nâm Yahûdi muvâcehesinde üzerine da‘vâ ve takrîr-i kelâm edip yedimden müşterâ ve makbûz olup aded ve mikdârı beynimizde ilm-i şer‘î ile ma‘lûm keten bezi bahâsından mezbûr İsak zimmetinde beş bin dört yüz akçe hakkım vardır, suâl olunup alıverilmesi murâdımdır dedikde gıbbe’s-suâl mezbûr İsak cevâbında fi’l-hakīka müdde‘î-i mezbûra vech-i muharrer üzere cihet-i mezkûrdan beş bin dört yüz akçe vâcibü’l-edâ ve lâzımü’l-kazâ deynim vardır deyü bi-tav‘ihi ikrâr u i‘tirâf etmeğin mûcebince meblağ-ı mezbûr beş bin dört yüz akçenin edâsına mezbûr İsak’a tenbîh-birle mâ-vaka‘a bi’t-taleb ketb ü sebt olundu. Fi’l-yevmi’r-râbi‘ ve’l-ışrîn min-Cumâdelûlâ li-sene erba‘a ve sittin ve elf. Şuhûdü’l-hâl: Pîrî Beşe b. Hüseyin, Muharrem b. Abdullah, el-Hâc Şa‘ban b. Mehmed, Halil el-muhzır ve gayruhum mine’l-huzzâr.