Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 229 Hüküm no: 311 Orijinal metin no: [46a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İlya v. Karakaş’ın kılıçbalığı dalyanındaki mülkünün yarısını sattığı Yahûd tâifesinden Eski İstanbul cemâ‘atinden olan İlya v. Karakaş meclis-i şer‘-i şerîfde hadîka-i hâssa bostancılarından işbu bâ‘iseyi’l-kitâb Rüstem Bey b. Abdullah ve Ca‘fer Bey b. Abdullah nâm kimesneler mahzarlarında ikrâr-ı tâm ve takrîr-i kelâm edip Yoros kazâsına tâbi‘ sâhil-i bahrde Beykoz nâm karye önünde vâki‘ karye-i mezbûre ahâlîsi beynlerinde ma‘lûm kılıçbalığı dalyanında mülküm olan nısf-ı şâyi‘ini merkūmân Rüstem Bey ve Ca‘fer Bey’e on bir bin râyicü’l-vakt fıddî akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile ale’l-iştirâki’s-seviyy bey‘ ve teslîm eyledim, onlar dahi vech-i muharrer üzere iştirâ ve tesellüm eylediklerinden sonra semen-i mezbûr on bir bin akçeyi yedler[inden] bi’t-tamam ve’l-kemâl ahz u kabz eyledim, ba‘de’l-yevm mezbûrânın mülk-i müşterâları olmuşdur, keyfe mâ yeşâ’ ve yehtâr mutasarrıf olsunlar dedikde gıbbe’t-tasdîk ve’t-taleb ketb ü sebt olundu. Tahrîren fi’l-yevmi’r-râbi‘ [ve]’l-ışrîn min-Cumâdelûlâ li-sene erba‘a ve sittin ve elf. Şuhûdü’l-hâl: Ali Çelebi kâtib-i balık, Memed Bey şerîki ...?, Mustafa b. Mehmed, Usta Ali berber ve gayruhum mine’l-huzzâr.