Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 234 Hüküm no: 319 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi’nin borcu olduğu İşbu bâ‘isü’l-kitâb el-Hâc Bayram b. Veli mahfil-i kazâya Ahmed Çelebi b. Hasan nâm kimesneyi ihzâr ve üzerine da‘vâ edip mezbûr Ahmed Çelebi zimmetinde cihet-i şer‘iyyeden üç bin altı yüz elli akçe hakkım vardır, suâl olunup alıverilmesi matlûbumdur dedikde gıbbe’s-suâl mezbûr Ahmed cevâbında fi’l-hakīka meblağ-ı mezbûr üç bin altı yüz elli akçe cihet-i şer‘iyyeden müdde‘î-i mezbûr el-Hâc Bayram’a el-ân zimmetimde lâzımü’l-edâ ve vâcibü’l-kazâ deynimdir deyü bi-tav‘ihi ikrâr u i‘tirâf etmeğin mûcebince meblağ-ı mezbûru müdde‘î-i merkūma edâ etmek üzere merkūm Ahmed Çelebi ilzâm olunup mâ-hüve’l-vâki‘ gıbbe’t-taleb ketb ü sebt olundu. Tahrîren fi’l-yevmi’l-hâmis ve’l-ışrîn min-Cumâdelûlâ li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Ramazan b. Yusuf, Derviş b. Ali, Mustafa b. Mehmed ve gayruhum.