Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 234 Hüküm no: 320 Orijinal metin no: [47b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Macar v. İsak’ın çuka bahasından borcu olduğu Tüccârdan işbu bâ‘isü’l-kitâb es-Seyyid Mehmed Çelebi b. es-Seyyid İsa mahfil-i kazâda Macar v. İsak nâm Yahûdi muvâcehesinde üzerine da‘vâ edip mezbûr Macar zimmetinde yedimden müşterâ ve makbûz olup levni ve cinsi ve zirâ‘ı beynimizde ilm-i şer‘î ile ma‘lûm çuka bahâsından yüz kıt‘a riyâlî guruş hakkım vardır, suâl olunup alıverilmesi matlûbumdur dedikde gıbbe’s-suâl mezbûr Macar cevâbında fi’l-vâki‘ müdde‘î-i mezbûr es-Seyyid Mehmed Çelebi’ye meblağ-ı mezbûr yüz kıt‘a riyâlî guruş vech-i muharrer üzere zimmetimde el-ân lâzımü’l-edâ ve vâcibü’l-kazâ deynimdir deyü bi-tav‘ihi ikrâr u i‘tirâf etmeğin mûcebince meblağ-ı mezbûr yüz kıt‘a riyâlî guruşu müdde‘î-i mezbûr es-Seyyid Mehmed Çelebi’ye edâ etmek üzere merkūm Macar ilzâm olunup mâ-hüve’l-vâki‘ gıbbe’t-taleb ketb ü sebt olundu. Fi’l-yevmi’s-sâdis ve’l-ışrîn min-Cumâdelûlâ li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî b. Mehmed, Ramazan b. Yusuf, Rıdvan b. Abdullah ve gayruhum.