Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 240 Hüküm no: 329 Orijinal metin no: [48b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos v. Kirakos’un borcu olduğu İşbu bâ‘isü’l-kitâb Osman Beşe b. Ömer mahfil-i kazâya Bogos v. Kirakos nâm Ermeniyi ihzâr ve üzerine da‘vâ edip mezbûr Bogos zimmetinde cihet-i karz-ı şer‘îden iki bin beş yüz fıddî-i Osmânî akçe hakkım vardır suâl olunup alıverilmesi matlûbumdur dedikde gıbbe’s-suâl mezbûr Bogos cevâbında fi’l-vâki‘ meblağ-ı merkūm iki bin beş yüz akçe müdde‘î-i mezbûr Osman Beşe’ye el-ân zimmetimde lâzımü’l-edâ ve vâcibü’l-kazâ deynimdir deyü bi-tav‘ihi ikrâr u i‘tirâf etmeğin mûcebince meblağ-ı mezbûrun edâsıyla ilzâm olunup mâ-hüve’l-vâki‘ gıbbe’t-taleb ketb ü sebt olundu. Fî-gurreti Cemâziyelâhire li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Ali Beşe b. Mustafa, Pîrî Beşe b. Hüseyin, Muharrem b. Abdullah, Rıdvan b. Abdullah ve gayruhum.