Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 240 Hüküm no: 330 Orijinal metin no: [49a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Nikola’nın borcu olduğu Mahrûse-i Galata’da hayyât tâifesinden işbu bâ‘isü’r-rakīm Panayot v. Aleksandre nâm zimmî meclis-i şer‘-i hatîr-i lâzımü’t-tevkīrde Mahrûse-i mezbûre ahâlîsinden Yani v. Nikola nâm zimmî muvâcehesinde üzerine da‘vâ ve takrîr-i kelâm edip mezbûr Yani zimmetinde cihet-i karz-ı şer‘îden kırk beş kıt‘a riyâlî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr <> Yani cevâbında fi’l-vâki‘ müdde‘î-i mezbûr Panayot’a minvâl-i muharrer üzere kırk beş kıt‘a riyâlî guruş zimmetimde vâcibü’l-edâ ve lâzımü’l-kazâ deynim vardır deyü bi-tav‘ihi ikrâr u i‘tirâf etmeğin ikrârı mûcebince meblağ-ı mezbûr kırk beş kıt‘a riyâlî guruşun edâsına mezbûr Yani’ye tenbîh olunup mâ-hüve’l-vâki‘ gıbbe’t-taleb ketb ü sebt olundu. Fî-selhi Cumâdelûlâ li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Pîrî Beşe b. Hüseyin, Muharrem b. Abdullah, Hüseyin el-muhzır, Rıdvan b. Abdullah ve gayruhum.