Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 243 Hüküm no: 335 Orijinal metin no: [49b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aydın v. İlya’nın zencefil bahasından olan borcunu ödemesi Tüccârdan işbu râfi‘u’l-kitâb İsmail Çelebi b. el-Hâc Ömer mahfil-i kazâya Aydın v. İlya nâm Yahûdi’yi ihzâr ve üzerine da‘vâ edip mezbûr Aydın zimmetinde yedimden müşterâ ve makbûz olan mikdârı beynimizde ilm-i şer‘î ile ma‘lûm biber ve zencebil bahâlarından altı bin fıddî akçe hakkım vardır, suâl olunup alıverilmesi matlûbumdur dedikde gıbbe’s-suâl mezbûr Aydın cevâbında fi’l-vâki‘ meblağ-ı merkūm altı bin akçe müdde‘î-i mezbûr İsmail Çelebi’ye el-ân zimmetimde lâzımü’l-edâ ve vâcibü’l-kazâ deynimdir deyü bi-tav‘ihi ikrâr u i‘tirâf etmeğin mûcebince meblağ-ı mezbûru müdde‘î-i merkūma edâ etmek üzere mezbûr Aydın’a ilzâm olunup mâ-hüve’l-vâki‘ bi’t-taleb ketb olundu. Fi’r-râbi‘ min-Cemâziyelâhire li-sene erba‘a ve sittin ve elf. Şuhûdü’l-hâl: Pîrî Beşe b. Hüseyin, Kara İbrahim Çelebi b. Davud, Muharrem Çelebi b. Abdullah, Hüseyin [b.] Yusuf ve gayruhum.