Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 306 Hüküm no: 196 Orijinal metin no: [45b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen üç çocuğa nafaka takdir ettiği Mahmiye-i Galata muzâfâtından Kasımpaşa mahallâtından Tahtakādı mahallesinde sâkin iken bundan akdem vefât eden Attar Ahmed Çelebi b. Mehmed’in Mehmed, Sâliha ve Fâtıma nâm evlâd-ı sıgārına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını anaları ve hâdineleri Âişe bt. Abdullah taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sıgār-ı mezkûrîne nafaka ve kisve-bahâ için mal-ı mûrisden zeylde mezkûr târihden külle yevm her birine râyicü’l-vakt üç akçe, cem‘an dokuz akçe farz ve takdîr edip meblağ-ı mefrûzu sıgār-ı mezkûrînin havâicine sarfa ve vakt-i zarûretde istidâne ve hîn-i zaferde rücû‘a mezbûre Âişe hatuna izin birle mâ-vaka‘a biˈt-taleb ketb olundu. Cerâ zâlike ve hurrire fi’l-işrîn min-Cumâdelûlâ li-sene erba‘a ve semânîn ve elf. Şuhûdü’l-hâl: Ömer Efendi b. Ali, Ahmed Ağa b. Mustafa, Mehmed Beşe b. Mahmud, Ali Bey b. Halil, Hüseyin Çelebi b. Ali, Ahmed Beşe b. Osman ve gayruhum mine’l-hâzırîn