Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 371 Hüküm no: 249 Orijinal metin no: [57a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şam’da ölen birine ait tereke Mahrûse-i Galata a‘mâlinden kasaba-i Tophâneˈde Firuzağa mahallesi sükkânından olup bundan akdem Şâm-ı Şerîfˈde vefât edip verâseti zevce-i metrûkesi Havva bt. ( ) nâm hatuna ve vâlidesi Âişe bt. ( ) nâm hatun ile sulbiye kızı diğer Havva ve sulbî oğulları Ahmed ve Ömer nâm sagīrlere münhasıra olup kableˈl-kısme mezkûr Ahmed dahi vefât edip verâseti vâlidesi merkūme Havva ile li-ebeveyn er karındaşı mezbûr Ömerˈe münhasıra olduğu bi-hasebiˈş-şer‘ müte‘ayyine oldukdan sonra tashih-i mes’eleleri bi-hükmiˈl-münâsahatiˈş-şer‘iye üç yüz altmış sehimden i‘tibâr olunup sihâm-ı mezbûredan altmış iki sehmi mezbûre Havvaˈya ve altmış sehmi dahi mesfûre Âişeˈye ve elli bir sehmi merkūme diğer Havvaˈya ve yüz seksen yedisi dahi mezkûr Ömerˈe isâbet eylediği vech-i câ’î üzre zikrolunur. Fiˈl-yevmiˈs-sânî min-şehri Recebiˈl-ferd li-sene erba‘a ve semânîn ve elf. El-menzilü fiˈl-mahalletiˈl-mezbûre 48000 Minhâ Resm-i âdî 720 Kassâmiye 240 Kalemiye 120 İhzâriye 120 Mesârif-i müteferrika 300 Yekûn 1500 Sahhuˈl-bâkī 46500 Hisse-i zevce 8008 Hissetüˈl-üm 7750 Hissetüˈl-âhi 24154 Hissetüˈl-uht 6587