Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 449 Hüküm no: 295 Orijinal metin no: [71a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Mehmed Ali adlı çocuğa nafaka tayin ettiği Mahrûse-i Galata tevâbi‘inden Fındıklı kasabası mahallâtından Selime Hatun mahallesinde sâkine iken bundan akdem vefât eden Afife Hatun bt. Halîfe Efendi nâm hatunun Mehmed Ali b. Abdullah Çelebi nâm sagīr oğluna müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, bâisü’r-rakīm mezbûr Abdullah Çelebi nâm vasîsi ve babası taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīr-i mezkûra nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt altı akçe farz ve takdîr edip meblağ-ı mefrûzu sagīr-i mezbûrun havâicine sarfa ve vakt-i zarûretde istidâne ve hîn-i zaferde rücû‘a mezbûr Abdullah Çelebi’ye izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-işrîn min-şehri Recebi’l-ferd li-sene erba‘a ve semânîn ve elf. Şuhûdü’l-hâl: Mâ-sebeka