Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 452 Hüküm no: 300 Orijinal metin no: [72a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin anne karnındaki bebeğe vasî atadığı Ebâ Eyüb el-Ensârî mahallâtından Kiremitçi Süleyman mahallesinde sâkin iken bundan akdem vefât eden merhûm Bali Beşe b. Behram’ın zevce-i metrûkesi Canfeda bt. Abdullah’ın batnındaki hamlin ba‘de’l-vilâdet tesviye-i umûruna vasî lâzım olmağın, müftâ-bih olan kavle göre hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, cenîn-i mezbûra müteveffâ-yı mezbûrdan irs-i şer‘le intikāl edecek mâllarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’r-rakīm Rıdvan Beşe b. Abdullah kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-işrîn min-şehri Recebi’l-ferd li-sene erba‘a ve semânîn ve elf. Şuhûdü’l-hâl: Zahru’l-eşbâh Şaban Ağa, fahrü’l-a‘yân Mehmed Efendi Arab-zâde, Esad Çelebi b. Mesud, Cafer Çelebi, Mehmed Çelebi b. Ahmed, es-Seyyid Yusuf Çelebi b. es-Seyyid Halil, Mehmed Efendi el-imâm, Ahmed Çelebi b. Mehmed Efendi, el-Hâc İbrahim b. Abdullah