Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 616 Hüküm no: 429 Orijinal metin no: [102a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kenan Bey’in, merhume Fatma bt. Osman Ağa’nın küçük kızlarına vasî tayin edildiği Medîne-i Hazret-i Ebâ Eyûb-ı Ensârî kazâsında nâhiye-i Çatalcaˈya tâbi‘ Baba Nakkaş nâm karyede sâkine iken bundan akdem fevt olan Fatma bt. Osman Ağa nâm sagīrenin li-üm kız karındaşları Âişe ve Ümmügülsüm nâm sagīrlere kız karındaşı müteveffât-ı mezbûreden intikāl eden mâllarını hıfz ve hallerini zabta bir vasîden lâ-büd olmağın hâkim-i muvakki‘-i sadr-ı kitâb tûbâ-lehû ve hüsnü-meâb hazretleri sagīretân-ı [102b] mezbûretâna vasî nasb ve ta‘yîn eyledikde mezbûr Kenan Bey dahi vesâyet-i mezkûreyi kabûl ve hizmet-i lâzımesini edâya müte‘ahhid olmağın mâ vaka‘a biˈt-taleb ketb olundu. Fiˈl-hâmis veˈl-işrîn min-Zilhiccetiˈş-şerîfe li-sene [10]84. Şuhûdüˈl-hâl: Mehmed Ağa b. Ali, Mehmed Çelebi b. Hüseyin, Hüseyin Efendi b. Mahmud, Osman Çelebi b. Mehmed, Davud Çelebi b. Bali, Sarrâc Ali Çelebi