Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 617 Hüküm no: 430 Orijinal metin no: [102b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Osman Ağa’nın varislerinin, Ermeni Kasber’in babası Timur’daki alacağını oğulları Kasber’den talep ettikleri Medîne-i Hazret-i Eyûb kazâsı a‘mâlinden Çatalca nâhiyesine tâbi‘ Baba Nakkaş nâm karyede bundan akdem vefât eden Osman Ağaˈnın sulbiye kızı olup babasından sonra fevt olan Fatmaˈnın verâseti vâlidesi Hadîce bt. Abdullah ile ve li-eb karındaşı Maksud Bey ile li-üm kız karındaşları Ümmügülsüm ve Âişe nâm sagīrlere münhasıra olduğunu şer‘an zâhir ve müte‘ayyin oldukdan sonra müşârün-ileyh Maksud Bey asâleten ve sagīretân-ı mezbûretânın babaları ve kıbel-i şer‘den mansûb vasîleri olup merkūme Hadiceˈnin dahi zevci ve tarafından zikri câ’î husûsa vekîli olup mezbûrenin zâtını ma‘rifet-i şer‘iye ile ârifân olan mûmâ-ileyh Maksud Bey ile Mehmed Beşe b. Hüseyin şehâdetleriyle şer‘an vekâleti sâbite olan Kenan Bey b. Abdülmennan meclis-i şer‘-i hatîrde mahmiye-i Galata muzâfâtından kasaba-i Kasımpaşaˈda Başhâne fırını demekle ma‘rûf habbâz fırınında ekmekçi olan Kasber v. Timur nâm Ermeni muvâcehesinde her biri asâleten ve vekâleten ve vesâyeten üzerine da‘vâ ve takrîr-i kelâm edip müteveffâ-yı evvel mezbûr Osman Ağa merkūm Kasberˈin babası mezkûr Timurˈa her biri seksener cedîd akçeden yirmi bin akçe olmak iki yüz elli esedî guruş ikrâz ve teslîm ol dahi ba‘deˈl-istikrâz mezbûr Osman Ağa meblağ-ı mezbûru kableˈl-istifâ vefât edip ba‘dehû mezbûr Timur dahi hâlik olup meblağ-ı mezbûru terekesine vâzi‘uˈl-yed olan oğlu mezkûr Kasberˈden da‘vâ ve taleb eylediğimde ol dahi meblağ-ı mezbûra ben kefîl ve zâminim demekle hâlâ meblağ-ı mezbûru mezkûr Timurˈdan bi-hasebiˈl-kefâle taleb ederiz suâl olunsun dedikde gıbbeˈs-suâl merkūm Kasber cevâbında ben ancak iki yüz esedî guruşa kefîlim ve zimmetimde deynimdir deyü ikrâr ve i‘tirâf etmeğin alâ-mûcib-i i‘tirâfihî meblağ-ı mezbûr iki yüz esedî guruşu mezbûrlara edâ ve teslîme mezbûr Kasberˈe tenbîh olunup mâ vaka‘a biˈt-taleb ketb olundu. Şuhûdüˈl-hâl: Zahrüˈl-eşbâh Mehmed Ağa b. Ali, Mehmed Çelebi b. Ali, Davud Çelebi b. Bali, Ali Çelebi b. Mehmed, Mehmed Çelebi b. Hüseyin, Hüseyin Çelebi b. Ali, İsa Bey