Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 621 Hüküm no: 435 Orijinal metin no: [103a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi’nin, merhume Neslihan bt. Hasan’ın küçük kızına vasî tayin edildiği Mahmiye-i Galataˈya tâbi‘ kasaba-i Tophâneˈde Çukurcum‘a mahallesinde sâkine iken bundan akdem vefât eden Neslihan bt. Hasan nâm hatunun sadriye sagīre kızı Âişeˈye bir vasîden lâ-büd olmağın hâkim-i muvakki‘-i sadr-ı kitâb tûbâ-lehû ve hüsnü-meâb hazretleri istikāmetle ma‘rûf olan işbu bâ‘isüˈl-vesîka Mustafa Çelebi b. ( ) nâm kimesne her vecihle mütedeyyin olmağla minvâl-i muharrer üzere sagīre-i mezbûreye [103b] anası müteveffât-ı mezbûreden intikāl eden mâlını hıfz ve hâlini zabta mezbûr Mustafa Çelebiˈyi vasî nasb ve ta‘yîn ettikde ol dahi kabûl ve merâsimini edâya ta‘ahhüd etmeğin mâ vaka‘a biˈt-taleb ketb olundu. Fiˈs-sâmin veˈl-işrîn min-Zilhiccetiˈş-şerîfe li-sene erba‘a ve semânîn ve elf. Şuhûdüˈl-hâl: Abdullah Efendi el-imâm, İsmail Efendi el-müezzin, Mehmed Çelebi, Ahmed b. Osman