Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 648 Hüküm no: 455 Orijinal metin no: [108a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum kişi tarafından varislere intikal eden evin, varisler tarafından paylaşılmasının talep edildiği Müteveffâ-yı mezbûrun mahalle-i mezbûrede vâki‘ bir tarafdan Tırnakçı Mehmed Paşa Vakfı ve bir tarafdan baʻ zan Rukiye ve ba‘zan Âbide mülkleri ve bir tarafdan sâhil-i bahra ve bir tarafdan tarîk-i âmma müntehî hâriciyede fevkānî bir kebîr oda def‘a iki fevkānî çilehâne ve mâbeyninde olan mermer sofa ve fıskıye ve bir tahtânî oda ve iki mahzen ve su mahzeni ve bir kayıkhâne ve bağçeyi ve dâhiliyede orta sofalı üç fevkānî oda ve tahtlarında bir oda ve bir kilârı ve hamam ve fırın ve mahtab def‘a bir fevkānî oda çilehâne ve def‘a iki fevkānî oda ve üç kenîf ve bağçeyi müştemil yalı ta‘bîr olunur mülk menzili vefâtından sonra verese-i mezkûrât beynlerinde müşâ‘iyet üzere mutasarrıflar olup hâlâ iktisâm murâd etmeleri ile biˈt-taleb bu fakīr ve hâssa mi‘mârlarından Üstâd el-Hâc Mustafa Halîfe b. Abdullah vesâyir ebniye ahvâline vukūfu olan bî-garaz Müslimîn ile menzil-i mezbûrun üzerine varıp mi‘mâr-ı mezbûr mesâha eylediği ebniye ve arsâdır ki zikrolunur. Hurrire fiˈl-yevmiˈl-hâmis-i aşer mineˈl-Muharremiˈl-harâm li-sene hamse ve semânîn ve elf. Hâriciyede deryâ yüzünde olan iki şehnişînli bir oda tûlen ve arzen bi-hesâb-ı terbî‘i zirâ‘ 227, fî 500 yekûn 113500 binâ ma‘a zemîn Oda-i mezbûr karşısında olan mermer sofa ve fıskıye ve kış odaları bi-hesâb-ı mezbûr zirâ‘ 370, fî 300, yekûn 111000 binâ ma‘a zemîn Sofa-i mezbûre karşısında nerdübân üzerinde olan bi-hesâb-ı mezbûr zirâ‘ 20, fî 100 yekûn 2000 Orta kapı üzerinde olan devâlı? vecheyn odanın bi-hesâb-ı mezbûr yüz on iki zirâ‘ 112, fî 300 yekûn 33600 binâ ma‘a zemîn Ve hâriciyede olan bi-hesâb-ı mezbûr zirâ‘bağçe arsası 2592 fî 120 311040 Ve yalı kapısından sedde varınca bi-hesâb-ı mezbûr zirâ‘ 231, damlalık arsası fî 120, yekûn 27720 Ve hâriciyenin cebel kapısından gelen bi-hesâb-ı mezbûr zirâ‘ ince yol arsası 138, fî 120, yekûn 16560 Ve sed önünde olup Bekir Ağa tahta perdesinden Tırnakçı Vakfı duvarına gelince bi-hesâb-ı mezbûr zirâ‘ 168, ince yol arsası fî 120, yekûn 20160 Ve Tırnakçı Vakfı duvarı dibinde olan bi-hesâb-ı mezbûr zirâ‘ 26 mevzâ da arsanın fî 120, yekûn 3120 Ve dâhiliyede olan odalar fevkānî ve tahtânî ve hamam tûlen ve arzen bi-hesâb-ı şatrancı zirâ‘ 274, fî 300 yekûn 82200 Ve orta kapıdan nerdübân dibine gelince tûlen ve arzen bi-hesâb-ı mezbûr zirâ‘ 1457 bağçe arsası fî 120, yekûn 174840 Fevkānî oda köşesinden bi-hesâb-ı mezbûr zirâ‘ 370 arsa-i hâliyenin fî 120 yekûn 44400 Ve Dâhiliye odalar ardında olan mahtab bi-hesâb-ı zirâʻ 90 arsası fî 120, yekûn 10800 [108b] Yekûn 342300 Bahâ-i binâ ma‘a zemîn 608640 Bahâ-i arsa 950940 Minhaˈl-ihrâcât Resm-i âdî 6000 Kassâmiye 2000 Kalemiye 1000 Huddâmiye, ihzâriye 1000 Yekûn 10000 Sahhuˈl-bâkī liˈt-taksîm beyneˈl-verese 940940 Hisse-i ümmüˈl-mezbûr 156823 Hisse-i bintüˈl-merkūm 313646 Hisse-i bintüˈl-mezkûr 313646 Hisse-i uht li-ebiˈl-mersûm 156823