Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 657 Hüküm no: 463 Orijinal metin no: [109b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Fâtıma adlı çocuğa nafaka takdir ettiği Mahmiye-i Galata tevâbi‘inden Tophâne kasabası mahallâtından Müeyyedzâde mahallesinde sâkin iken bundan akdem vefât eden el-Hâc Salih nâm müteveffânın Fâtıma nâm sagīre kızına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, müteveffâ-yı merkūmun Âişe Hatun bt. Ramazan nâm zevce-i mutallakası taleb etmeğin, hâkim-i askerî-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīre-i mezkûreye nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt altı akçe farz ve takdîr edip meblağ-ı mefrûzu sagīre-i mezbûrenin havâicine sarfa ve vakt-i zarûretde istidâne ve hîn-i zaferde rücû‘a mezbûre Âişe Hatun’a izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-işrîn min-Muharremi’l-harâm li-sene hamse ve semânîn ve elf. Şuhûdü’l-hâl: es-Seyyid Lütfullah Efendi b. es-Seyyid Emrullah, Ali Efendi b. Ahmed, Abdullah Çelebi b. Ali, ve gayruhum mine’l-hâzırîn