Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 658 Hüküm no: 464 Orijinal metin no: [109b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun Vakfı’nın mütevellisi Abdullah Efendi’nin, Galatasaray kilercibaşısı Ali Ağa’nın, merhum babası Mehmed Efendi zimmetindeki alacağını terekesinden tahsil ettiği Galata Sarayıˈnda vâki‘ merhûme Rahime Hatun nâm sahibetüˈl-hayrın nükūd mevkūfesine meşrûtiyet üzere mütevellî olan Abdullah Efendi b. Mehmed Efendi meclis-i şer‘-i şerîfde vakf-ı mezbûrun hasbî nâzırı olup saray-ı mezkûrede hâlâ kilârcıbaşı olan işbu sahibüˈl-kitâb Ali Ağa b. Hızır mahzarında biˈt-tevliye ikrâr ve takrîr-i kelâm edip vakf-ı mezbûre mukaddemâ babam müteveffâ Mehmed Efendi mütevellî olmağla mecmû‘-ı mal-ı vakf olan yüz esedî guruş yedinde iken hâlâ vefât edip yerine mütevellî olmağla terekesinden mal-ı vakf-ı mezbûr yüz esedî guruşa tevliyet-i mahkiyem hasebiyle biˈt-tamam alıp kabz edip hâlâ meblağ-ı mezbûr yüz esedî guruş yedimdedir dedikde gıbbeˈt-tasdîkiˈş-şer‘î mâ vaka‘a biˈt-taleb ketb olundu. Fiˈl-yevmiˈs-sâlis veˈl-ışrîn min-Muharremiˈl-harâm li-sene hamse ve semânîn ve elf. Şuhûdüˈl-hâl: İbrahim b. Hızır, Hâfız Ahmed Efendi b. Ramazan, Mehmed Çelebi b. Ali, Ali Efendi b. İbrahim, Ahmed Bey b. İbrahim, Dellâl Ramazan b. Şa‘bân, Hüseyin Çelebi b. Ali, Muhsin Beşe b. Halil ve gayruhum.