Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 153 Hüküm no: 156 Orijinal metin no: [14a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Çavuşu Mehmed’in sefîne aşçısı ile yelkencisine emanet ettiği sadeyağını kendisine iade etmedikleri iddiasıyla o sefînenin reisi Manol aleyhine açtığı alacak davasının meşru olmadığı Topçu çavuşlarından Mehmed b. Mustafa nâm kimesne Galata Bâb Mahkemesi’nde meclis-i şer‘de Manol Reis v. Todo zimmî muvâcehesinde ben bundan akdem Bahr-ı siyah cânibinde İsmail kasabasında sâkin iken mersûmun sefînesinde aşcı ve yelkenci olan iki nefer zimmîye bi-tarîkı’l-emâne mâlımdan teslîm eylediğim yirmi beş guruş kıymetli on vakıyye revgan-ı sâdeyi bana vermeyip yedlerinde kalmışidi lâkin zimmîyân-ı mersûmân hîn-i teslîmde mücerred reis-i mesfûrun sefînesinde aşçı ve yelkenci olmağla zikrolunan yağın mislini yâhud kıymetini reis-i mersûm mâlından bana vermeğe cebr olunsun deyü tasaddî eylediği da‘vâsı takrîr-i meşrûh üzere meşrû‘a ve iltifâta şâyân olmadığını kendiye tefhîm-birle mersûm Manol Reis’e bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî gurreti R sene [1]221.