Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 176 Hüküm no: 200 Orijinal metin no: [18b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koltukçu İbrahim b. Mehmed’in kendisine küfrettiği iddiasıyla Boyacı Mitro v. Rado aleyhine açtığı tazir davasında iddiasını ispat edemediği Koltukçu İbrahim b. Mehmed Galata Bâb Mahkemesi’nde meclis-i şer‘de Boyacı Mitro v. Rado zimmî muvâcehesinde mersûm Mitro zimmî târih-i i‘lâm günü Galata’da Karaköy’de vâki‘ mütemekkin olduğu boyacı dükkânı önünde sûkda ta‘zîri mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü ba‘de’d-da‘vâ ve’l-inkâr müdde‘î-i mezbûr İbrahim ber-vech-i muharrer müdde‘âsına ikāmet-i beyyine edemeyip bi’t-taleb mersûm Mitro zimmî müdde‘î-i mezbûr muvâcehesinde ber-nehc-i şer‘î tahlîf olunmağın mûcebince müdde‘î-i mezbûr İbrahim da‘vâ-yı mezkûresiyle mersûm Mitro zimmîye bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 23 R sene [1]221.