Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 186 Hüküm no: 222 Orijinal metin no: [20b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Anaştaş v. Gülbenk’in kiracısı olduğu manav dükkanını tahliye edip sahibesi Anabete bt. Anaştaş’a teslimine karar verildiği Galata’da Kemankeş Karamustafapaşa Mahallesi’nde mütemekkine şahsı mu‘arrefe Anabete bt. Anaştaş Nasrâniye Galata Bâb Mahkemesi’nde meclis-i şer‘de Manav Anaştaş v. Gülbenk zimmî muvâcehesinde mersûm Anaştaş zimmî mahalle-i mezbûrede vâki‘ menzilim tahtında mutasarrıfe olduğum bir kıt‘a manav dükkânımda beher şehr beşer guruş icâre ile müstecirim olup dükkân-ı mezkûrun bana lüzûmu olmağla târih-i i‘lâm şehri gāyetine izâfetle fesh-i îcâr etmemle gāyet-i şehr-i mezkûrda dükkân-ı mezkûru tahliye ve bana teslîme mersûm Anaştaş zimmîye tenbîh olunmak matlûbumdur deyü da‘vâ eyledikde ol dahi ber-vech-i muharrer ikrâr u i‘tirâf etmeğin mûcebince gāyet-i şehr-i mezkûrda dükkân-ı mezkûru tahliye ve mutasarrıfesi müdde‘iye-i mersûme Anabete Nasrâniye’ye teslîme mesfûr Anaştaş zimmîye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 7 Ca sene [1]221.