Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 285 Hüküm no: 420 Orijinal metin no: [40b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hüseyin b. Ebûbekir’in Ömer Reis aleyhine açtığı alacak davasında elli guruşa sulh olduğu es-Seyyid Hüseyin b. Ebîbekir Galata’da mahfil-i kazâda Ömer Reis b. Ali muvâcehesinde mezbûr Ömer Reis mâlik olduğum bir kıt‘a sefînemde mukaddemâ reisim iken sermâye olmak üzere mâlımdan reis-i merkūma def‘ u teslîm eylediğim altı yüz guruşun beş yüz guruşunu yedinden ba‘de’l-ahz bâkī yüz guruşunu bana vermeyip kendi umûruna sarfla istihlâk etmekle meblağ-ı bâkī-i mezkûr yüz guruşu hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr Ömer Reis ile elli guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ elli guruşa müte‘allika da‘vâdan mezbûr Ömer Reis’in zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı merkūm elli guruş zimmetinde kalmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi bedel-i sulh-ı merkūm elli guruşun müdde‘î-i mezbûr es-Seyyid Hüseyin Çelebi’ye edâsıyla mezbûr Ömer Reis ilzâm olunduğu bi’l-iltimâs [huzûr-ı âlîlerine i‘lâm olundu.] Fî 20 Ş sene [1]221.