Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 387 Hüküm no: 625 Orijinal metin no: [61b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiremitçi Bedros v. Yoseb’in karzdan Tütüncü Avanis v. Kadros’dan altı yüz altmış guruş alacağı olduğu Üsküdarlı Kiremitçi Bedros v. Yoseb zimmî mahrûse-i Galata’da mahfil-i kazâda mahrûse-i mezbûrede mutavattın Tütüncü Avanis v. Kadros zimmî muvâcehesinde mersûm Avanis zimmî zimmetinde cihet-i karzdan bâ-temessük yedi yüz guruşdan bâkī altı yüz altmış guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr u i‘tirâf edip lâkin meblağ-ı bâkī-i mezkûrun dört yüz on iki guruşunu dahi kendiye ceste ceste edâ ve teslîm etmişidim deyü mikdâr-ı mezkûrda eylediği def‘ine ikāmet-i beyyineden izhâr-ı acz edip tâlib-i tahlîf dahi olmamağın ikrârı mûcebince lâzım gelen meblağ-ı bâkī-i merkūm altı yüz altmış guruşu müdde‘î-i merkūm Bedros zimmîye edâ ve teslîme mesfûr Avanis zimmîye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 6 Safer sene 1222