Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 388 Hüküm no: 627 Orijinal metin no: [62a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kömürcü Seyyid Hüseyin Çelebi’nin eski ticârî ortağı Kömürcü Hüseyin Beşe aleyhine açtığı alacak davasından vazgeçtiği Kömürcü esnâfından es-Seyyid Hüseyin Çelebi b. Ali Galata’da mahfil-i kazâda esnâf-ı merkūmeden diğer Hüseyin Beşe b. Ömer kimesne muvâcehesinde ben bundan akdem mezbûr diğer Hüseyin Beşe ile fâide-i hâsılası beynimizde müsâvî ol mikdâr üzere bir müddet şerîk olup ba‘dehû fesh-i akd-i şirket-birle hesâbımızı rü’yet eylediğimizde benim şerîkim mezbûr diğer Hüseyin Beşe zimmetinde altı yüz yetmiş sekiz buçuk guruş alacak olmağla hâlâ taleb ederim deyü tasaddî eylediğim da‘vâmdan meccânen fâriğ olup meblağ-ı merkūma müte‘allika da‘vâdan mezbûr diğer Hüseyin Beşe’nin zimmetini kabûlü hâvî ibrâ ve iskāt eyledim deyü ikrâr ve tasdîkleri tescîl bi’[l]-iltimâs huzûr-ı âlîlerine i‘lâm olundu. Fî 4 Muharrem sene 1222.