Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 389 Hüküm no: 629 Orijinal metin no: [62a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lübâbe bt. Mahmud’un mehir, nafaka ve barınma bedelinden eski kocası Kalyoncu Hasan Beşe’den seksen guruş alacağı olduğu Galata’da Emekyemez Mahallesi’nde sâkine mu‘arrefetü’z-zât Lübâbe bt. Mahmud nâm hatun Galata Bâb Mahkemesi’nde meclis-i şer‘de zevc-i mutallıkı Kalyoncu Hasan Beşe b. İbrahim nâm kimesne muvâcehesinde mezbûr Hasan Beşe zevc-i dâhilim iken târih-i i‘lâm günü beni bâyinen tatlîk etmekle zimmetinde mütekarrir ve ma‘kūdun-aleyh yetmiş guruş mehr-i müeccelim ile nafaka-i iddet-i ma‘lûmem ve meûnet-i süknâm için bi’t-terâzî ta‘yîn olunan on guruş ki cem‘an seksen guruşu mezbûr Hasan Beşe’den taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezbûr seksen guruşun müdde‘iye-i mezbûre Lübâbe Hatun’a edâsıyla mezbûr Hasan Beşe ilzâm olunduğu huzûr-ı âlîlerine i‘lâm olundu. Fî 10 Safer sene 1222.