Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 390 Hüküm no: 630 Orijinal metin no: [62a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ümmügülsüm Hatun’un Serpohi bt. Artin’de olan alacağına kefaletinden dolayı kızı Neri bt. İsayi’den yüz guruş alacağı olduğu Galata’ya muzâfe kasaba-i Fındıklı’da Kazgancıbaşı Mahallesi’nde sâkine zâtı mu‘arrefe Şerife Ümmügülsüm bt. el-Hâc Süleyman nâm hatun Galata Bâb Mahkemesi’nde meclis-i şer‘de şahsı mu‘arrefe Neri bt. İsayi nâm Nasrâniye muvâcehesinde mersûme Neri Nasrâniye’nin anası işbu hâzıra bi’l-meclis kezâlik şahsı mu‘arrefe Serpohi bt. Artin nâm Nasrâniye zimmetinde cihet-i karzdan alacak hakkım olan yüz guruş mukābelesinde bir çuka ferâceyi yedime vaz‘-ı rehin edip meblağ-ı mezkûre kızı mersûme Neri Nasrâniye bi’l-emr ve’l-kabûl kefîl ve zâmine olmağla meblağ-ı mezkûr yüz guruşu bi-hükmi’l-kefâle bana edâ-birle zikrolunan ferâceyi yedimden ahza mersûme Neri Nasrâniye’ye tenbîh olunmak matlûbumdur deyü da‘vâ eyledikde ol dahi cevâbında kaziyye minvâl-i muharrer üzere olduğunu ikrâr u i‘tirâf etmeğin alâ-mûcibi ikrârihâ meblağ-ı mezkûr yüz guruşu müdde‘iye-i mezbûre Şerife Ümmügülsüm Hatun’a bi-hükmi’l-kefâle edâ ve teslîm-birle zikrolunan ferâceyi ahza mersûme Neri Nasrâniye’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 11 S sene 1222