Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 390 Hüküm no: 632 Orijinal metin no: [62b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Bedros’un Keresteci Yuvan’a yüz sekiz guruş borcu olduğu Galata’ya muzâfe kasaba-i Fındıklı’da mütemekkin Keresteci Yuvan v. Şahin nâm zimmî Galata Bâb Mahkemesi’nde meclis-i şer‘de Tütüncü Bedros v. Artin nâm zimmî muvâcehesinde mersûm Bedros zimmî zimmetinde cihet-i karzdan yüz on beş guruşdan bâkī yüz sekiz guruş alacak hakkım olup meblağ-ı mezbûr mukābelesinde bir çift altın kuşak yedime rehin vaz‘ ve teslîm etmekle suâl olunu[p] meblağ-ı merkūm yüz sekiz guruşu bana teslîm-birle fekk-i rehine mersûm Bedros zimmîye tenbîh olunmak matlûbumdur deyü da‘vâ eyledikde ol dahi cevâbında ber-vech-i muharrer ikrâr u i‘tirâf mûcebince meblağ-ı merkūm yüz sekiz guruşu müdde‘î-i mersûm Yuvan zimmîye edâ ve teslîm-birle fekk-i rehine mersûm Bedros zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 6 Safer sene 1222.