Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 391 Hüküm no: 633 Orijinal metin no: [62b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balıkçı Artin’in Nikola’dan yetmiş beş guruş alacağı olduğu, Nikola’nın aldığı borç karşılığında yüzük rehin verdiğine dair iddiasını ispat edemediği Galata’da mütemekkin Balıkçı Artin v. Ligor nâm zimmî Galata Bâb Mahkemesi’nde meclis-i şer‘de Nikola v. Ligor nâm zimmî muvâcehesinde mersûm Nikola zimmî zimmetinde cihet-i karzdan yüz guruşdan bâkī yetmiş beş guruş alacak hakkım olmağla hâlâ taleb ederim <> deyü da‘vâ eyledikde ol dahi cevâbında ber-vech-i muharrer ikrâr lâkin meblağ-ı bâkī-i mezkûrun yirmi üç guruşu dahi kendüye edâ ve teslîm edip bâkī zimmetimde ancak elli iki guruş deynim kalmışdır deyü mikdâr-ı mezkûrda def‘inden mâ‘adâ ben meblağ mukābelesinde müdde‘î-i mersûm yedine mâlımdan altmış yedi guruş kıymetli elmaslı altın yüzüğümü vaz‘-ı rehn ve teslîm etmiş idim deyü iki da‘vâ def‘ini isbâtdan izhâr-ı acz edip bi’t-taleb müdde‘î-i mersûm ba‘de’t-tahlîfü’ş-şer‘î mûcebince mersûm Nikola zimmî zikrolunan yüzük da‘vâsıyla bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 4 S sene 1222.