Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 391 Hüküm no: 634 Orijinal metin no: [62b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasil v. Velot’un Hayim ve Salamon’daki alacağından dolayı ortakları Nehamya v. Yaşova aleyhine açtığı alacak davasının meşru olmadığı Neccâr kalfalarından Vasil v. Velot zimmî Galata’da mahfil-i kazâda Nehamya v. Yaşova Yahûdi muvâcehesinde mersûm Nehamya Yahûdi’nin şerîkleri gāibân ani’l-meclis Hayim ve Salamon Yahûdiler zimmetlerinde ba‘de külli’l-hesâb cihet-i deyn-i şer‘îden ve ücret-i neccâriyeden üç yüz elli guruşdan bâkī doksan beş guruş alacağım olup Yahûdi-i mersûm gāibân-ı mersûmânın mücerred şerîki olmağla meblağ-ı bâkī-i merkūmu mâlından bana edâya mesfûr Nehamya Yahûdi’ye cebr olunsun deyü tasaddî eylediği da‘vâsı takrîr-i meşrûhu üzere meşrû‘a olmayıp Yahûdi-i mersûma suâl dahi teveccüh etmediği bi’[l]-iltimâs huzûr-ı âlîlerine i‘lâm olundu. Fî 8 Safer sene 1222.