Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 394 Hüküm no: 640 Orijinal metin no: [63a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azîme bt. Halil ile eski kocası Mehmed Beşe’nin evlilik hukukuyla ilgili davalarında anlaştıkları Galata’ya muzâfe İstinye nâhiyesine tâbi‘ Yeniköy’de sâkine zâtı mu‘arrefe Azîme bt. Halil nâm hatun Galata Bâb Mahkemesi’nde meclis-i şer‘de zevc-i sâbıkı Mehmed Beşe zevcim iken eşyâ-ı memlûkemden bi-gayr-ı hakkın ahz eylediği bir güğez ferâce ve paşmak ve makrame ve bir anteri ve bir hırka ve bir çift papuş ve edik ve bir döşek çârşebi ve bir havlu ve altı arşın bez ve iki makrame ve bir peştemâl ve bir sileceğimi bana vermeyip yedinden kalmağla hâla taleb ederim deyü da‘vâ ettikde ol dahi cevâbında ikrâr u i‘tirâf etmeğin mûcebince zikrolunan eşyâ-ı merkūmeden mâ‘adâ beynlerinde ma‘lûm eşyâya ve târih-i i‘lâma gelince bi’l-cümle hukūk-ı şer‘iyyeye müte‘allika da‘vâdan herbiri âharın zimmetini kabûlü hâvî ibrâ ve iskāt-birle kat‘-ı münâza‘a eyledikleri tescîl ve huzûr-ı âlîlerine i‘lâm olundu. Fî 16 Saferi’l-hayr sene 1222.