Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 395 Hüküm no: 643 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman’ın talebi üzerine karısı Rukiye’yi evinde iskan eden kayınvâlidesi Zeynep Hatun’un kızını davacıya teslim etmesine karar verildiği Mahmiye-i İstanbul’da Alemîbey Mahallesi’nde sâkin Süleyman b. Mustafa Galata Bâb Mahkemesi’nde meclis-i şer‘de kayınvâlidesi mu‘arrefetü’z-zât Zeyneb bt. Ahmed muvâcehesinde kayınvâlidem mezbûre zevcem işbu hâzıratü bi’l-meclis Rukiye bt. Abdullah nâm hatunu iğfâl ve Galata hâricinde Hüseyin Ağa Mahallesi’nde vâki‘ kendi menzilinde iskân etmekle zevcem mezbûreyi bana teslîme kayınvâlidem mezbûreye tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin mûcebince zevcesi hâzıre-i mezbûreyi zevci müdde‘î-i mezbûr Süleyman’a teslîme kayınvâlidesi mezbûre Zeyneb Hatun’a tenbîh olunduğu bi’l-iltimâs [huzûr-ı âlîlerine i‘lâm olundu.] Fî 23 Safer sene [1]222.