Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 398 Hüküm no: 647 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine ve Hanife hatunların kendilerini dövdüğü iddiasıyla komşuları Ahmed Reis aleyhine açtıkları davada iddialarını ispat edemedikleri Galata’da Alacamescid Mahallesi’nde sâkineler mu‘arrefetü’z-zât Emine bt. Mehmed ve Hanife bt. Abdullah nâm hatunlar Galata Bâb Mahkemesi’nde meclis-i şer‘de câr-ı mülâsıkları Ahmed Reis b. Ali [nâm] kimesne muvâcehesinde mezbûr Ahmed Reis târih-i i‘lâmdan bir gün mukaddem kable’l-mağrib sa‘at on birde mahalle-i merkūmede sûkda “zîr-deste” ta‘bîr olunur sopa ile amden bi-gayr-ı hak başımıza darb ve şec etmekle mûcib-i şer‘îsini mezbûr Ahmed Reis’den taleb ederim deyü herbiri ba‘de’d-da‘vâ ve’l-inkâr müdde‘iyetân-ı mezbûretân ber-vech-i muharrer müdde‘âlarına ikāmet-i beyyine edememeleriyle bi’t-taleb mezbûr Ahmed Reis ba‘de’t-tahlîfü’ş-şer‘î mûcebince müdde‘iyetân-ı mezbûretân Emine ve Hanife hatunlar da‘vâ-yı mezkûreleriyle mezbûr Ahmed Reis’e bilâ-beyyine mu‘ârazadan men‘ olundukları huzûr-ı âlîlerine i‘lâm olundu. Fî 22 Safer sene 1222.