Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 401 Hüküm no: 652 Orijinal metin no: [64b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop v. Yoseb’in donluk şal bedelinden Kuyumcu Asador v. Artin’den ikrarı üzere iki yüz yirmi guruş alacağı olduğu Mahmiye-i İstanbul’da Sorguccular Hanı’nda mütemekkin Agop v. Yoseb zimmî Galata’da mahfil-i kazâda Kuyumcu Asador v. Artin zimmî muvâcehesinde mersûm Asador zimmî zimmetinde bir adet donluk şal semeninden iki yüz altmış guruş alacak hakkım olmağla hâlâ taleb ederim deyü da‘vâ ettikde ol dahi cevâbında zikrolunan şal semeninden iki yüz yirmi guruş zimmetinde deyni olduğunu ikrâr ziyâde kırk guruş ba‘de’l-inkâr müdde‘î-i mezbûr ber-vech-i muharrer ziyâde müdde‘âsını beyâna havâle ikrârıyla lâzım gelen meblağ-ı merkūm iki yüz yirmi guruşun müdde‘î-i mersûma Asador zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 22 Safer sene 1222.