Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 401 Hüküm no: 653 Orijinal metin no: [64b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep Hatun’un mehir ve karzdan alacağı olduğu iddiasıyla eski eşi Bostancı Mustafa aleyhine açtığı davada kırk yedi guruşa sulh olduğu Galata’ya muzâfe kasaba-i Beşiktaş’a tâbi‘ Levend Çiftliği nâm mahalde sâkine mu‘arrefetü’z-zât Zeyneb bt. Süleyman nâm hatun Galata Bâb Mahkemesi’nde meclis-i şer‘de zevc-i mutallıkı Bostanî Mustafa b. Mehmed nâm kimesne muvâcehesinde mezbûr Mustafa zevc-i dâhilim olup târih-i i‘lâmdan sekiz gün mukaddem [beni] bâyinen tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan otuz beş guruşun ancak yirmi altı guruşunu bana teslîm bâkī dokuz guruş ile yedimden ve mâlımdan ceste ceste iktirâz ve kabz eylediği elli sekiz guruş ki cem‘an altmış yedi guruşu mezbûr Mustafa’dan taleb ederim deyü tasaddî eylediğim da‘vâmdan bâ-tavassut-i muslihîn mezbûr Mustafa ile yirmi guruş bedel-i makbûza ba‘de’s-sulh ve’l-kabûl mâ‘adâ kırk yedi guruşa ve bedel-i sulh-ı merkūma müte‘allika da‘vâdan herbirimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl huzûr-ı âlîlerine i‘lâm olundu. Fî 23 Safer sene 1222.