Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 402 Hüküm no: 654 Orijinal metin no: [64b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç v. Sarakiyo’nun şal ve fes bedelinden Molla Süleyman’dan otuz üç guruş alacağı olduğu Fesci Molla Süleyman b. Ali nâm kimesne Galata Bâb Mahkemesi’nde meclis-i şer‘de Mıgırdıç v. Sarakiyo nâm zimmî muvâcehesinde mersûm Mıgırdıç zimmî zimmetinde beynimizde ma‘lûmü’l-aded fes ve şal semenlerinden cem‘an otuz üç guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını lede’t-tezkiye makbûlü’ş-şehâde idükleri ihbâr olunan Mehmed Beşe b. İbrahim ve Hüseyin Ağa b. Mustafa nâm kimesneler şehâdetleriyle mersûm Mıgırdıç zimmî muvâcehesinde vech-i şer‘î üzere isbât etmeğin mûcebince meblağ-ı merkūm otuz üç guruşu müdde‘î-i mezbûr Molla Süleyman’a edâ ve teslîme mersûm Mıgırdıç zimmîye tenbîh olunduğu bi’[l]-iltimâs huzûr-ı âlîlerine i‘lâm olundu. Fî 21 Safer sene 1222.