Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 402 Hüküm no: 655 Orijinal metin no: [64b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Mehmed’in Mehmed Beşe’den aldığı borcu ödeyip ipotek ettiği menzilin yarım hissesini geri almasına karar verildiği Mehmed Beşe b. Mehmed nâm kimesne Galata’da mahfil-i kazâda Kasaba-i Kasımpaşa’da Sururî Efendi Mahallesi’nde sâkine ve zâtı mu‘arrefe Emine bt Mehmed nâm hatun muvâcehesinde mezbûr Emine Hatun ile zevci gāib ani’l-beled Hüseyin nâm kimesne bi’l-ma‘iyye yedimden istikrâz ve kabz eyledikleri iki [yüz] elli guruş deynleri mukābelesinde sâlifü’z-zikr Sururî Efendi Mahallesi’nde vâki‘ galle ve tevliyeti mahalle-i mezbûre imâmlarına meşrûta ma‘lûmü’l-hudûd ber-vech-i iştirâk-i seviyy mutasarrıf oldukları bir bâb vakıf menzili bâ-re’y-i mütevellî bi-tarîkı’l-vefâ bana fâriğler olmuşlar idi el-hâletü hâzihî mezbûre Emine Hatun meblağ-ı merkūmdan makbûzu olan yüz yirmi beş guruşunu bana edâ-birle nısf menzil-i merkūm bâ-re’y-i mütevellî fekke mezbûre Emine Hatun’a tenbîh olunmak matlûbumdur deyü da‘vâ eyledikde ol dahi cevâbında ber-vech-i muharrer tâyi‘aten ikrâr u i‘tirâf etmeğin mûcebince meblağ-ı merkūm yüz yirmi beş guruşu müdde‘î-i mezbûr Mehmed Beşe’ye edâ-birle nısf menzil-i merkūmu bâ-re’y-i mütevellî geri ahza mezbûre Emine Hatun’a tenbîh olunduğu bi’[l]-iltimâs huzûr-ı âlîlerine i‘lâm olundu. Fî 23 Safer sene 1222.