Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 403 Hüküm no: 656 Orijinal metin no: [64b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Emin’in mellâhları Frankoli ve Yorgi’nin Aci Dimitri’ye olan borçlarını ödediğine pişman olup paranın kendisine geri verilmesini istemesinin meşru olmadığı es-Seyyid Mehmed Emin b. es-Seyyid Hüseyin nâm kimesne Galata Bâb Mahkemesi’nde meclis-i şer‘de Aci Dimitri v. Hıristo nâm zimmî muvâcehesinde mâlik olduğum sefînemde mellâhlarım olan Frankoli ve Yorgi zimmîlere mersûm Aci Dimitri’nin bey‘ eylediği hâm sirke semeninden mersûmânın merkūm Dimitri zimmîye zimmetlerinde deynleri olan otuz beş guruşu mersûmânın bi-şartü’r-rücû‘ emirleriyle mâlımdan mersûm Dimitri zimmîye def‘ ve teslîm etmişdim lâkin ben ber-vech-i muharrer teslîme nâdim olmamla meblağ-ı merkūmu istirdâd ederim deyü tasaddî eylediği [da‘vâsı] takrîr-i meşrûhu üzere meşrû‘a ve iltifâta şâyân olmayıp mersûm Dimitri zimmîye şer‘an suâl dahi teveccüh etmediği bi’l-iltimâs huzûr-ı âlîlerine i‘lâm olundu. Fî 27 Safer sene 1222.